Бишімбаев пен Байжановтың аппеляциялық соты тікелей эфирде өтеді

Тікелей эфирде Бишімбаев пен Байжановтың аппеляциялық өтініші қаралады.

Бұл туралы Жоғарғы соттың баспасөз қызметі хабарлады.

Айта кетейік, 13 мамырда Қуандық Бишімбаев әйелі Салтанат Нүкенованы өлтіргені үшін 24 жылға сотталды. Экс-министрдің туысы Бақытжан Байжанов 4 жылға бас бостандығынан айырылды.

Үкім жарияланғаннан кейін сотталғандар мен олардың қорғаушыларынан заңмен белгіленген мерзімде аппеляциялық өтініш келіп түсті. 

Өтініште Байжановтың қылмысты істегендердің қатарында болмауына, яғни тікелей қатысты болмауына байланысты жазаны өзгерту сұралды. Ал Бишімбаев әрекетін қайта саралауды, жазасын жеңілдетуді сұрап отыр.

Жоғарғы сот соңғы кездері жұрттың сот істеріне қызығушылығы артқанын ескеріп, аппеляциялық өтінішті қарайтын сот отырысы тікелей эфирде өтетінін мәлімдеді. 

Сот 2024 жылдың 26 маусымында сағат 10.00-де өтеді.