Бишімбаев пен Байжанов Путиннің келуіне байланысты Салтанаттың денесін жасырын шығара алмады - адвокат

Сотта зардап шеккен тараптың өкілі Игорь Вранчев сөз сөйледі. Оның айтуынша, Байжанов пен Бишімбаев Президенттің күзет қызметі тексеріп жатқандықтан, Салтанаттың денесін Гастроцентрден шығара алмаған. Келесі күні Владимир Путиннің делегациясы мейрамханада кешкі ас ішуі керек еді. Айыпталушылар автотұрақтың жабық екенін білген, деп хабарлайды Orda.kz порталы.

Яғни, бұл кезде Бишімбаев пен Байжанов арнайы қызмет қызметкерлері өз  міндеттерін атқарып жатқанын білген.

«Олар Салтанаттың мәйітін қалай ішкі тұрақтағы көлікке салуға әрекеттенгенімен, «Гастроцентрден» шыға берісте тексерілу қаупі зор еді. Мәйітті дәл сол кезде алып шығу мүмкін болмады. Жалғыз амал «Барлығы біткеннен кейін мәйітті шығару» - 10 қарашаға қараған түні немесе кейінірек», - деді Вранчев.