Бишімбаев неге жедел жәрдемге емес, көріпкелге хабарласқанын түсіндірді

Сотта жәбірленушілер тарапының адвокаты Жанна Оразбақова Бишімбаевтан сол түні неге жедел жәрдемге емес, көріпкелге хабрласқанын сұрады, деп хабарлайды Orda.kz порталы.

Жәбір көрген тараптың адвокаты Бишімбаевтан көріп кел туралы ақпараттарды сұраған болатын.

«Ол Шымкентте тұрады, 1,5-2 жылдан бері бизнес мәселелері бойынша кейде хабарласып тұратынмын», - деп жауап берді Қуандық Бишімбаев.

Адвокат көріпкелдің медициналық білімі бар немесе жоқ екенін сұрады. Алайда сотталушы ол жайлы білмейтінін, бірақ оған әрқашан сенетінін айтты.

«Олай болса сотқа түсіндіріп беріңізші, басқа қалада тұратын, медициналық білімі бар ма, жоқ па өзіңіз нақты білмейтін адамға не үшін хабарластыңыз? Жаныңызда жатқан және медициналық көмекке мұқтаж әйеліңізге ол қалай қашықтан көмек көрсетуі керек еді?», - деп сұрады қорғаушы.

Сондай-ақ,  Бишімбаев адвокатқа Салтанат Нүкенова медициналық көмекке мұқтаж болып тұрған кезде, ол жорамал жасап тұрғанын да айтты.

«Ол ұйықтап жатты. Менің түсінігім бойынша, ол ұйықтап жатты. Мен сіздің сұрағыңызға жауап бердім: мен оған (көріпкелге - еск.) сенетінмін. Яғни, бұрын мен кейбір бизнес жұмыстарым туралы сұрағанымда, ол әрқашан, менің ойымша, маған дұрыс жауап берді. Бірақ бұл өз түсінігім бойынша. Менде белгілі бір деңгейде сенім болды (...) Менің түсінігім бойынша, Салтанат ұйықтап жатты, оның өлім аузында жатқаны туралы ешқандай белгі болмады», - деді Қуандық Бишімбаев.

Адвокат одан «Егер Салтанат Нүкенова талып қалса, сіз неге көріпкелдің көмегіне жүгіндіңіз?» деген сұрақ қойды.

«Көгерген жері (Нүкенованың бетіндегі – еск.) үлкейіп бара жатты, бірақ есімде жоқ, қайдан шыққанын да түсіне алмадым. Сол жағында болған. Шынымды айтсам, бұл мені қатты абдыратып қойды», - деп жауап берді.