Бишімбаев ісі шенеуніктердің беделіне қалай әсер етті: Сенат төрағасы жауап берді

Журналистер Сенат спикері Мәулен Әшімбаевтан адам өлтіргені үшін сотталып жатқан бұрынғы Ұлттық экономика министрі Қуандық Бишімбаев барлық мемлекеттік қызметкерлерге көлеңке түсірді деп ойлай ма, деп сұрады.

Мәулен Әшімбаев мұнымен келіспей, Бишімбаевты ұзақ уақыт министр болғанын айтты. Ал оны бүгінде мемлекеттік қызметте істейтіндермен сәйкестендірудің қажеті жоқ.

«Мен бұл дұрыс деп ойламаймын. Бишімбаев өз әрекетіне еліміздің заңнамасына сәйкес жеке жауап берсін. Соншама жыл бұрын мемлекеттік қызметте жұмыс істеген адамға қарап бүгінде осы жүйеде қызмет етіп жатқан адамдар туралы қорытынды шығарудың дұрыс еместігін баса айтқым келеді. Бұл жүйеде біршама озық әрі лайықты адамдар жұмыс істейді»,- деді Мәулен Әшімаев.

Қуандық Бишімбаев 2016 жылы Ұлттық экономика министрі қызметін атқарған. 2018 жылдың 14 наурызында ол 10 жылға бас бостандығынан айырылды. Алайда, кейін Нұрсұлтан Назарбаев оны кешіріп, жазасын жеңілдетіп, 2019 жылдың 25 қыркүйегінде Бишімбаев шартты түрде мерзімінен бұрын босатылды.

2023 жылы 9 қарашада Бишімбаев әйелі Салтанат Нүкенованы өлтірді деген күдікпен ұсталды. Олардың арасында БАУ мейрамханасында жанжал шығып, Салтанат соққыдан қайтыс болды. Бишімбаевтың соты қазір барша қазақстандықтардың көз алдында өтіп жатар, оның үстіне процесті шетелдіктер де қадағалап отыр.