Бишімбаев ісі: мемлекеттік айыптаушы оқиғаның егжей-тегжейін айтты
![cover](/uploads/posts/2024-03/sizes/1440x810/1710156808_1710146099_bishimbaev-facebook.webp)
Айыптаушының бірі – Астана прокурорының аға көмекшісі Айжан Аймағанова тергеу мәліметтері бойынша істің мән-жайын айтты.
2022 жылғы тамызда Қуандық Бишімбаев Астанада болған кезде Салтанат Нүкеновамен танысып, оған көңілі ауып, кездесуге шақыра бастаған. Нүкенованың бірнеше рет бас тартқанына қарамастан, қыр соңынан қалмай, көңілін тапқан және қысқа уақыт ішінде өзін тек жақсы жағынан көрсеткен. 2022 жылғы 16 желтоқсанда Бишімбаев Нүкеновамен үйлену тойын өткізген, алайда бірақ некені ресми түрде тіркемеген. Нүкеновамен бірге Астанада азаматтық некеде тұрған.
Бишімбаев Нүкеновамен бірге тұрғаннан бастап оның көзқарасын елемей, қарым-қатынаста ашушаңдық, агрессивтік, өзімшіл бола бастаған. Ол Нүкеноваға туыстарымен және достарымен сөйлесуге, кездесуге тыйым салған, телефон қоңырауларын, SMS-хабарламаларын бақылап отырған.
Сондай-ақ сол кезде Нүкеноваға ақшалай жақсы табыс әкелетін астрологиямен айналысуға тыйым салып, қаржы жағынан өзіне толығымен тәуелді еткен. Сонымен бірге Бишімбаев негізсіз қызғаныштан Нүкеноваға талап қоя бастаған. Жиі жанжалдасқан, ұрысқан.
2023 жылғы наурызда Қуандық Бишімбаев Нүкенованы ұрып-соққан. 2023 жылғы 25 наурызда Нүкенова дене жарақатының фотосын түсіріп, ағасына жолдаған, бірақ ештеңе істемеуін сұраған. Содан кейін ағасы Нүкеновадан ажырасуды сұраған. Алайда ол бәрі реттеліп кетеді деп, көнбеген.
Қуандық Бишімбаев ұрып-соққаны көрсетілген фото Нүкенованың туыстарында бар екенін біліп, оны жалаңаш түрде фотоға түсіруге итермелеген. Салтанат Нүкенова оған келісім беріп, жалаңаш түрде фотоға түсіруге мәжбүр болған.
Нүкенова Бишімбаевтан бірнеше рет кетуге тырысқан, алайда Қуандық Бишімбаев кешірім сұрап татуласқан.
2023 жылы Салтанат Нүкенова мен Қуандық Бишімбаев Астанада ресейлік әнші Дима Биланның концертіне барған. Алайда концерт аяқталмастан ол жерден шығып, Bau мейрамханасына барған.
Екеуі шарапқа тапсырыс беріп, төрт бөтелке шарап ішкен. Осы кезде Салтанат Нүкенова қарым-қатынасты тоқтатқысы келетінін айтқан. Олар бастапқыда мейрамханадан шыққысы келген, алайда шыға алмаған. Содан кейін мейрамхананың VIP-залына барған. Екеуінің арасына әрі қарай жанжал жалғасқан.
Қуандық Бишімбаев жанжал барысында өзінің ақшасына сатып алынған заттар туралы айтқан. Содан кейін Нүкенова ішкиім және әшекейден басқасын шешіп тастаған.
Содан кейін Салтанатты бірнеше рет ұрып-соққан. Нүкенова еденге құлап түскен. Бишімбаев қылмыстық әрекетін әрі қарай жалғастырып, бөксесіне, денесіне жарақат салған. Содан кейін шашынан сүйреп, VIP-залға апарған.
Нүкенова дәретханаға тығылып, есікті ішінен іліп алған. Бишімбаев бұған ашуланып, есікті әуелі қолымен, содан кейін металлмен сындыра бастаған. Ішке кірген соң Нүкенованы қайта соққыға жыға бастаған, оның есін жоғалтқанына көзі жеткен кезде мұны тоқтатқан. Нүкенова алған жарақатынан сол кезде қайтыс болған.
Қуандық Бишімбаев өзінің туысы Байжановты шақырып, мейрамхана қызметкерлерін таратуды тапсырған.
Жаңалықтар
- «Ішіндегі іріңмен бір ай жүрген марқұм»: Полиция кінәлі дәрігерлерді ұстамады
- «Халық қаржысын гүлге шашты»: Екібастұз қаласы 2,5 млн теңгені гүл жеткізу қызметіне бермек
- Жасанды интеллектпен жанданған ескі фотолар
- Халықаралық банк еліміздің су жүйесін қаржыландырмақ
- «Қызымның жыныс мүшесіне тиісті»: Зорлықшы әке 20 жылға сотталды
- «LEGO» балалардың денсаулығына үлкен қауіп төндіреді
- Қазақстандықтар рубльден құтылып жатыр
- Абай облысы жылу орталығының 64,2 пайызы тозып кеткен
- Дана Әтешоваға қарсы сот ісі
- «Ғылым академиясы мен Саясат Нұрбектің тартысы»: Назарбаев академик атағынан айырылды ма?
- Шымкентте жаңа мәдениет сарайы бой көтермек
- Енді кез-келген балағат сөзге жаза бар
- Ресейде қазақтың батыр қызы Әлияның есімімен аталған мешіт ашылды
- «Израиль мен Палестина»: 39 мың адам қаза болған соғысқа АҚШ араласа ма?
- 260 мыңдай қайтыс болған адамдардың ақшасы мұрагерсіз тұр
- Тұтынушылар шағымы өсіп келеді
- «Жер дауы»: Аңшылыққа пайдаланған 212 мың гектар жер мемлекетке қайтарылды
- «Ел намысын қорғайтын былғары қолғап шеберлері»: Қазақстан қарсыластары кімдер?
- Қазақстан-Ресей шекарасында көлік қозғалысы қиындауы мүмкін
- «5000 шақырым жүріп өткен ата»: Ақтаудан велосипедпен шығып Парижге жетті