Бишімбаев ісі: Гастро-центр директоры екі айға қамауға алынды

Бұрынғы ұлттық экономика министрі Қуандық Бишімбаев әйелін өз қолымен өлтірді деген күдікпен екі айға қамауға алынды.

Бұл туралы Астана полиция департаменті хабарлайды.

«BAU» мейрамханасындағы әйел қазасы бойынша тергеу аясында Гастро орталығының директорына қатысты бұлтартпау шарасы - екі айға қамауға алу санкцияланды» делінген хабарламада.

Еске сала кетейік, Салтанат Нүкенова 9 қарашада «BAU» мейрамханасында өлтірілген болатын. Оның өліміне кінәлі ретінде күйеуі, бұрынғы Ұлттық экономика министрі Қуандық Бишімбаев күдікке ілінген.

Нүкенованың өліміне байланысты полицейлер Қылмыстық кодекстің үш бабы бойынша тағы бір қылмыстық іс қозғағаны бір күн бұрын белгілі болды:

119-баптың 3-бөлігі «Қауіпті жағдайда қалдыру»;
432-бап «Қылмысты жасыру»;
434-бап «Қылмыс туралы хабарламау».

Осы кезде уақытша ұстау изоляторына қамалған Гастро-центр директорының қамауға алынғаны белгілі болды. Бұған дейін күдікті, экс-министр Қуандық Бишімбаев та екі айға қамауға алынған болатын.