Бишімбаев ісі бойынша прокурор Қазақстан халқына үндеу тастады

Қуандық Бишімбаевтың ісі бойынша сот отырысына қатысып жатқан мемлекеттік айыптаушы Айжан Аймағанова Instagram желісіндегі жеке парақшасына кіру мүмкіндігін ашты, деп хабарлайды Orda.kz.

Оны «zhakiti» лақап атымен табуға болады.

«Әлеуметтік желілерде менің атыма жалған аккаунттар жасалып жатқандықтан, мен жеке парақшамды көпшілікке қолжетімді етуді жөн көрдім. Менде бұрын ешқандай жарияланым болған жоқ, бірақ мен мүмкіндігінше ашық және пайдалы болуға тырысамын», - деді ол. 

Бұған дейін Айжан Аймағанованың фейк парақшасына 20 мың жазылушы жиналған болатын. Бұл туралы Астана прокуратурасына аккаунт кеңінен тарай бастаған кезде хабарланды.