Бишімбаев ертерек бостандыққа шыға ала ма?

Қуандық Бишімбаевқа қатысты атышулы үкімнен кейін оның мерзімінен бұрын босатылуы мүмкін бе, деген сауа туды.

Сенат отырысында оларға әділет вице-министрі Ботагөз Жақселекова жауап берді.

Ол ауыр қылмыстар бойынша жазаның 2/3 бөлігін өтегеннен кейін шартты түрде мерзімінен бұрын босату қарастырылғанын атап өтті.

«Бұл мүмкіндік жазасын өтеп жатқан адамдарға жағымды сипаттайтын мән-жайлар болған кезде белгіленеді. Ол үшін жәбірленуші тараптың келісімі қажет, бірақ бұл сот шешімінің артықшылығы болады»,-  деді Ботагөз Жақселекова.

Жәбірленуші тараптың келісімі шартты түрде мерзімінен бұрын босатудың басқа шарттарының бірі ғана.

«Иә, оның жүріс-тұрысымен, жазасын өтеу жағдайларымен бірге сотта бәрі бірге қаралады. Өтінішті жазаны өтеп жатқан адам орналасқан мекеме жазады»,- деп қосты вице-министр.

Түрмедегілер денсаулығы ауыр жағдайда да босатылуы мүмкін.

«Бұл да денсаулық жағдайына байланысты сот шешімімен жүзеге асырылады. Жалпы, қылмыстық-атқару жүйесі мекемелерінде медициналық көмек көрсетілуде», -  деді Ботагөз Жақселекова.