Бірыңғай зейнетақы қорынан 11 айда жарты триллион теңгеге жуық жинақ баспана алу мен емделуге жұмсалды

2024 жылдың қаңтар-қараша айларында қазақстандықтар тұрғын үй жағдайын жақсарту және емделу үшін БЖЗҚ-дан жарты триллион дерлік – 498 миллиард теңге жинақталған зейнетақы қаражатын алды, деп хабарлайды «Бірыңғай жинақтаушы зейнетақы қоры» АҚ (БЖЗҚ).

2024 жылғы 1 желтоқсандағы жағдай бойынша БЖЗҚ-ның негізгі көрсеткіштері: салымшылар шотындағы зейнетақы жинақтарының жалпы сомасы – 22,1 трлн. теңге, оның ішінде: міндетті зейнетақы жарналары (МЖЗ) – 21,2 трлн. теңге, міндетті кәсіптік зейнетақы жарналары (МКЗЖ) есебінен – 643 млрд теңге, ерікті зейнетақы жарналары (ЕЗЖ) – 7,6 млрд, міндетті зейнетақы жұмыс берушінің жарналары (ЗЖБЖ) – 219 млрд теңге.

Сондай-ақ, жыл басынан бері зейнетақы төлемдері 1,1 млрд. теңгеге жетті. Оның ішінде жасы бойынша – 185 млрд теңге, мүгедектік бойынша – 2,8 млрд теңге, Қазақстан Республикасынан тысқары жерге тұрақты тұруға кетуге байланысты – 37 млрд теңге, мұрагерлік бойынша – 55 млрд теңге, жерлеуге – 9 млрд теңге және сақтандыру ұйымдарына аударым бойынша – 340 млрд теңге.