Бірыңғай уақыт белдеуін жою туралы петицияға 37 мың адам қол қойды

Билік петицияны назарға алуы үшін оны 50 мың адам қолдауы керек, деп хабарлайды Orda.kz порталы.

22 сәуірде Epetition.kz платформасында Қазақстанда біртұтас уақыт белдеуін жою туралы петиция пайда болды. Авторлар бұрынғы уақытқа оралуға шақырады. Дәлелдердің бірі – электр энергиясын тұтынудың артуы.

«Өмірлік маңызды электр энергиясын тұтынудың орташа есепшоты 2024 жылғы 1 сәуірдегі жағдай бойынша шамамен 17 000 теңге болды. Болашаққа жобалайтын болсақ, уақыттың өзгеруі бұл шығындарды айтарлықтай арттырады, әсіресе күзгі-қысқы кезеңде» делінген түсініктемеде. 

Сауда және интеграция министрлігі заң бойынша талап етілетін 50 мың дауыс жинаған жағдайда петицияны қарауға уәде берді. Бұл туралы вице-министр Қайрат Төребаев айтты. Ал, ол күн де ​​алыс емес сияқты. Сол күннен бастап 36 күн ішінде құжатқа 37 мың адам қол қойып үлгерді.

Естеріңізге сала кетейік, Қазақстан 2024 жылдың 1 наурызынан бастап біртұтас уақыт белдеуіне көшті. Бұл идеяның негізгі бастамашысы Сауда министрлігі. Шенеуніктер бұл шешімді жұмысты реттеумен, бүкіл ел бойынша біркелкі банктік сағат және ел тұрғындарының биоритмдерін жақсартумен негіздеді. Алайда, біртұтас уақыт енгізілгеннен кейін көп ұзамай әлеуметтік желіде халық, әсіресе шығыс облыстары мен Алматы тұрғындары жаппай шағымдана бастады.