Біртановтың ісі Бас прокуратураға берілді

Сарыарқа аудандық №2 сотының судьясы Ибрагим Әлкенов бұрынғы денсаулық сақтау министрі Елжан Біртанов пен бұрынғы вице-министр Олжас Әбішевтің қылмыстық ісін Бас прокуратураға беру туралы шешім шығарды.

Кездесу үш күн бойы онлайн режимде өтті, тыңдау барысында сотталушылардың адвокаттары өз қорғаушыларына қатысты сот ісін қысқарту туралы бірнеше рет өтініш білдірді.

Қорғаушылар  тергеу органдарының көптеген заңбұзушылықтар жасап, қозғалған істі бұрмаланғандығын алға тартады.

Адвокат Нұрлан Бейсекеев құқық қорғау органдарына экс-министрге қатысты арыз түспегенін, істі прокуратурада тіркеу басталғанын айтты. Тергеуші Әлшенов мәліметтердегі сәйкессіздік фактілеріне мән бермей, көптеген процессуалдық сипаттағы бұзушылықтарға жол берген.

Адвокат Дмитрий Куряченконың айтуынша, «тергеуші Әлшенов шын мәнінде жалған мәліметтер енгізгеніне» қарамастан, іс қозғалған

Қорғаушылар Біртановты күдікті ретінде анықтау заңсыз және көрінеу жалған ауызша айғақтар негізінде жасалғанын, сотқа дейінгі барлық іс жүргізу заң талаптарын өрескел бұзумен жүргізілгенін алға тартады.

Елжан Біртанов пен Олжас Әбішевтің ісі бойынша бүгінгі сот отырысында қорғаушы тарап оқуға мүмкіндік бермеген іске сегіз жаңа томның енгізілгені белгілі болды.

Оның үстіне, Біртановтың адвокаттарының пікірінше, бұл іс Денсаулық сақтау министрлігі мен медициналық цифрлық платформа жасап жатқан швед-хорват компаниясы Ericsson Nikola Tesla арасындағы қақтығыс салдарынан елдің халықаралық қатынастарының нашарлауына себеп болуы мүмкін. Прокуратура компанияның кейбір құжаттарын елемеген, дейді қорғаушылар.

Ericsson Nikola Tesla ел президентіне хат жолдап үлгерді. Арбитражда жеңілуі сөзсіз, дейді бұл туралы заңгерлер.

Біртановтың өзі істі Сыбайлас жемқорлыққа қарсы қызметке беруді сұраған. Жауапкер уәкiлеттi органдардың арыздарды, өтiнiштер мен шағымдарды елемеу, iстi асығыс сотқа беруiн, сонымен бiрге негiзгi құқығы – өтiнiш беру құқығынан айыру әрекеттерiн заңсыз деп санайды.

«Іс бойынша сегіз томдық жаңа материалдар пайда болды.  Тергеу органы қандай тосын сый әзірлеп жатыр? Құжаттармен танысуға мүмкіндік бермей, бізді соттамақшы», - деді Елжан Біртанов.

Прокуратура Біртанов пен Әбішевті қорғаушылар тобы өткен жылдың жазы мен күзінде іспен танысуға тұрақты келмеген деп сендірді.  Дегенмен, заңгерлердің айтуынша, көшірме жасау мен материалдарды қарау екі бөлек нәрсе. Құжаттардың көшірмелерін  Қаржы мониторингі агенттігінің ғимаратынан тыс жерде көруге заң мүмкіндік береді.

Оның үстіне адвокат Нұрлан Бейсекеев тергеу органдары құжаттармен және заттай дәлелдермен танысуына кедергі жасап, оны қорғау құқығынан айыруды талап етуде.

 «Жедел санитарлық авиацияға келетін болсақ, прокурор мән-жайды неге ескермеген? Ұшу аса қажеттілік жағдайында өтті. Прокуратура бұл туралы үнсіз, себебі дәлелді жасыра алмай отыр, - деп есептейді Бейсекеев.

Сондай-ақ Біртановқа Тараздан елордаға ұшатын санитарлық авиацияны пайдаланып тасымалдау ережесін бұзды деген айып тағылды. Сотталушы Олжас Әбішев бюджет қаржысын жымқыру жолдарын қарастыру үшін іс бұрмаланған деп есептейді.

«Біз блокчейн енгізген кезде біреу 60 миллиард ала алмады. Себебі, цифрландыру – жемқорлықтың жауы», – дейді сотталушы.

Қорғаушы тарап сотталушылардың кінәсіздігін және істің бұрмаланғанын алға тартып отыр.

Еске салсақ, Елжан Біртановқа екі бап бойынша айып тағылды: аса ірі көлемде бюджет қаражатын жымқырды және санитарлық авиацияны пайдалана отырып тасымалдау ережелерін бұзды.

Соңғы айыптау, адвокат Дмитрий Куряченконың айтуынша, «жала». Тергеу экс-министрге  ҚР Қылмыстық кодексі баптарын таңып отыр.

Үйқамаққа алу уақыты іс прокурорларға тапсырылған сәттен бастап бір ай мерзімге ұзартылды.

Экс-министр Біртанов пен бұрынғы вице-министр Әбішев Денсаулық сақтау министрлігінің жұмыс істемейтін ақпараттандыру платформасын қабылдап, іске қосу арқылы қызметтік өкілеттіктерін асыра пайдаланды деген күдікке ілінген.

Сондай-ақ  Біртановтың  2020 жылдың маусымында санитарлық авиацияның ұшағын жеке мақсатта пайдалану кезінде өкілеттігін асыра пайдаланды деген айыбы бар.

Экс-министрдің өзі тағылған айып бойынша  кінәсін мойындамайды.