Бірқатар қорғаныс кәсіпорындары геосаяси жағдайға байланысты жекешелендіру жоспарынан шығарылды

Қазақстанның бірқатар қорғаныс өнеркәсібі кәсіпорындары геосаяси жағдайға байланысты жекешелендіру жоспарынан шығарылды, деп хабарлады премьер-министрдің бірінші орынбасары Роман Скляр.

— 2021-2025 жылдарға арналған жекешелендірудің кейбір мәселелері туралы» Қазақстан Республикасы Үкіметінің 2020 жылғы 29 желтоқсандағы № 908 қаулысына сәйкес, тоғыз активті  сату:  «Қазақстан инжиниринг» ҰК» АҚ («Машина жасау» АҚ), С.М.Киров атындағы зауыт», «Тыныс» АҚ, «Семей машина жасау зауыты» АҚ, «Семей инжиниринг» АҚ, «Автомобиль жөндеу зауыты» АҚ, «Петропавл ауыр машина жасау зауыты» АҚ, «Мұнаймаш» АҚ, «Қазақстан авиация өнеркәсібі» ЖШС, «Болат өңдеу» ЖШС қарастырылған. Алайда қазіргі геосаяси жағдайды, қорғаныс кәсіпорындарын кластерлеу және елдің әскери қауіпсіздігін сақтау саясатын ескере отырып, компанияның төрт кәсіпорны жекешелендіру жоспарынан шығарылды, - деді Скляр Сенат депутаттарының сауалына жауап бере отырып.

Атап айтқанда, «Семей машина жасау зауыты» АҚ, «Семей инжиниринг» АҚ, «Қазақстан авиация өнеркәсібі» ЖШС және «Болат өңдеу» ЖШС жекешелендіру жоспарынан шығарылды.

Еске салсақ, бұған дейін Қарағандыдағы Steel Manufacturing патрондарын шығаратын зауытты «Қазақстан инжиниринг» Ұлттық компаниясы (ҰК)» АҚ акцияларының төлемі ретінде бермекші екенін хабарланған болатын.