Бірнеше өңірде терроризмді насихаттаумен айналысқандар ұсталды

Террористік әрекеттерге қатысуға, терроризмді насихаттауға, экстремистік әрекеттерді ұйымдастыруға және осы мақсатқа адамдарды тартуға күдікті ретінде Қазақстанның 4 азаматы мен 1 шетелдікті қамауға алынды.

Бұл туралы Ұлттық қауыпсіздік комитеті хабарлады.

«Олардың тұрғылықты жерлерінен көптеген діни-экстремистік әдебиеттер мен өзге де заттай дәлелдемелер алынды.  Айта кету керек, күдіктілердің бірі бұған дейін шет мемлекет аумағында соғыс әрекеттеріне қатысып, ол үшін Қазақстанда сотталған болатын» деп мәлімдеді ҰҚК.   

Екі күдіктіге қатысты «ауыр» есірткіні үнемі қолданғаны туралы ақпарат тексерілуде.  Қылмыстық кодекстің 256, 257, 259 және 405-баптары бойынша сотқа дейінгі тергеп-тексеру жүргізілуде.