Біріккен Ұлттар Ұйымы білім берудегі бала құқықтары туралы Қазақстанның қарарын қабылдады

БҰҰ-ның Адам құқықтары жөніндегі кеңесі Қазақстанның білім саласындағы баланың құқықтары туралы қарарын қабылдады, деп хабарлайды Orda.kz. «Хабар 24» арнасына сілтеме жасап.

Оны осы құқық қорғау органына мүше елдердің барлығы бірауыздан мақұлдады.

Құжат бейбітшілік пен толеранттық идеяларын ілгерілетуге бағытталған. Біздің еліміз қақтығыс аймақтарынан балаларды елге қайтару бойынша өзінің табысты тәжірибесіне сүйене отырып, олардың білім беру арқылы толық реинтеграциясын қамтамасыз ету шараларын қарастыруға шақырды.

Қазақстан қарар жобасын Орталық Азияның барлық бес елінің күш-жігерін біріктіретін бірінші аймақтық бастама ретінде ұсынды.