Қазақстанға БҰҰ-ның делегациясы келді

7-8 шілдеде Нұр-Сұлтанда «астана форматында» Сирия бойынша келіссөздердің кезекті отырысы өтеді. Бүгін елордаға БҰҰ-ның делегациясы келді.

Бұл туралы Orda.kz ҚазАқпаратқа сілтеме жасай отырып хабарлайды.

БҰҰ Бас хатшысының Сирия жөніндегі арнайы өкілі Гейр Педерсен Нұр-Сұлтанға келді, ол өзінің алдағы кездесуге қатысатынын растады. 7-8 шілдеде Нұр-Сұлтанда «астана форматында» өтетін келіссөздерде

2021 жылдың 7-8 шілдесінде Нұр-Сұлтанда Сирия бойынша 16-шы Халықаралық жоғары деңгейдегі кездесу өтеді. Оған Иранның, Ресейдің және Түркияның делегацияларын, Сирия үкіметі мен сириялық қарулы оппозицияны тарту жоспарланған. БҰҰ, Иордания, Ливан және Ирактың жоғары өкілдері бақылаушылар ретінде қатысады.

Күн тәртібіне келесі мәселелер кіреді:

Сириядағы жағдай, оның ішінде әлеуметтік-экономикалық және санитарлық-эпидемиологиялық жағдай; Сирияға халықаралық гуманитарлық көмек; Женевадағы Сирия конституциялық комитетінің жұмысын қалпына келтіру перспективалары; сенімді нығайту шаралары, оның ішінде тұтқындармен алмасу, кепілге алынған адамдарды босату және із-түссіз жоғалған адамдарды іздеу.