Бірге тумақ бар, бірге тұрмақ жоқ: Шерзаттың әпкесі баспаналы болды

11 наурыз 2025 10:27 Жәукен Әсем

Фото: видеодан кадр

Белсенді Димаш Қаматай әлеуметтік желідегі парақшасында марқұм Шерзаттың әпкесі баспанаға ие болып, көпшілікке алғыс білдіргенін жазды, деп хабарлайды Orda.kz.

Перизат Нұрымова бұған дейін баспана алу үшін ақша жинап жатқанын растап, оның Қаржаубай Нұрымовқа қатысы жоғын мәлімдеген еді. Ол белсенді Димаш Қаматайдың парақшасы арқылы үндеу жасаған.

«Бүгін қуанышты жаңалығымды бөліскім келеді. Бүкіл қазақ халқы қолдап, жанашыр бауырларымыз ортақ іске үлесін қосып, қазір алты баланың батыр анасы Перизат пен оның жары Айғазы баспаналы болды. Сондықтан, қазақ халқына мың да бір алғысымызды білдіреміз», - деп алғыс айтты.

@dimash_kamatay
Перизаттың отбасы үшін жаңа үй сатып алынды🇰🇿 Құрметті Қазағым! Бүгін біз ерекше әрі маңызды оқиға туралы бөлісуді жөн көрдік. Шерзаттың бауыры Перизаттың қайғылы жағдайдан кейін отбасы қиын кезеңді бастан өткерді. Қауіпсіздік мәселесі барлығымызды алаңдатты. Осыған байланысты біз оларға қолдау көрсету үшін жаңа үй сатып алдық. Бұл үй тек баспана ғана емес, ол – жаңа өмірдің бастауы. Алты баланың батыр анасы Перизаттың қолдауы болған сіздер. Бұл қадам олар үшін жай ғана баспана емес, болашаққа деген сенім мен жаңа өмірге қадам басуға мүмкіндік береді. Қоғамдық бірліктің маңыздылығын көрсету үшін, осындай жағдайда қолдау көрсету әрқайсымыз үшін маңызды. Біз Перизаттың отбасына қиын сәтте көмек көрсетіп, оларды жалғыз қалдырмайтынымызды білдіргіміз келеді. Соттың әділетті өткенін көріп, бауырларымыз тыныштық табар деп сенеміз. Бұл отбасы енді қуанышты күндерді ғана бастан кешеді деп сенеміз. Бұл бастаманы қолдаған барлық жанашырларға алғыс айтамыз! #казахстан #алашорда #оянқазақ #қазақстан #зашерзата #занурканат #әділеттіқазақстан #жаңақазақстан
♬ Өмір жайлы - Қуандық РАХЫМ

Перизат та халқы мен жанашыр азаматтарға алғыс айтты.

Бұған дейін Талғардағы отбасыға меценаттар үй сатып алып беретіні хабарланған болатын. Қаржаубай Нұрымовқа меценаттардың қолдауымен баспана сатып алынды. Бұған дейін бұл ақпарат әлеуметтік желіде тараған. Қаржаубай Нұрымов бұл туралы хабардар екенін, алайда баспана мәселесін өз күшімен де шешуге қауқарлы екенін айтты.

Жаңалықтар

барлық жаңалықтар