Бір жылдан астам уақыт ішінде кәсіпкерлерге 50 млн теңге қайтарылды

Прокурорлар 160-тан астам кәсіпкердің құқығын қорғап, оларға орындалған шарт бойынша тиісті ақшалай қаражатын қайтарып берді.

Мемлекеттік сатып алу туралы заңнама талаптарына сәйкес енгізілген кепілдік сомалар кәсіпкерлерге өз міндеттемелерін орындағаннан кейін бірден қайтарылуға тиіс болатын.

Алайда облыстың медициналық мекемелері міндеттемелердің уақтылы орындалғанына қарамастан бір жылдан астам уақыт ішінде 50 млн теңге көлемінде тиесілі соманы қайтармаған.

 «Қадағалау актісі бойынша кәсіпкерлерге ақшалай қаражат қайтарылды, ал бұзушылықтарға жол берген 30 лауазымды тұлға жауапқа тартылды», деп хабарлады Жетісу облыстық прокуратурасының баспасөз қызметі.