Бір жылда Қазақстанға жеті миллион тоннаға жуық өнім әкелінді

Жалпы жылдық импорттың 38%-ы Алматының үлесіне тиді.

Ұлттық статистика бюросы мен Мемлекеттік кірістер комитетінің мәліметі бойынша, 2022 жылдың 11 айында Қазақстан 4,2 миллиард долларға 6,8 миллион тонна азық-түлік тауарларын импорттаған, деп хабарлайды «Атамекен» сараптамалық қызметі.

«Мұндай өнімдердің орташа құны бір кг үшін 0,62 доллар болды, бұл бір жыл бұрынғы көрсеткіштен 16%-ға жоғары. Айта кетерлігі, өткен жылмен салыстырғанда ұлттық валюта бағамының жоғары құбылмалылығын ескере отырып, импорттық өнімдер бағасының нақты өсуі әлдеқайда жоғары болады» деп есептейді қызмет сарапшылары.

Өңірлер бойынша импорттық өнімдердің негізгі алушылары:

- Алматы (барлық импорттың 38%);

- Алматы облысы (барлық импорттың 13%);

- Түркістан облысы (барлық импорттың 6%).