Бір жыл іздеуде болған Бауыржан Дәуітбаевтың денесі табылды 

Жарылыс болған жерден адам сүйектерінің сынықтары мен киім қалдықтары табылды.  Сараптама нәтижесі олардың осыдан 15 ай бұрын жоғалып кеткен ер адамға - Бауыржан Дәуітбаевқа тиесілі екенін көрсетті.  

Бұл туралы журналист Гүлмира Әбіқай Instagram парақшасында жазды.  Ол ҚР Қорғаныс министрлігінің «Оңтүстік» өңірлік қолбасшылығының ақпаратына сілтеме жасады.

Еске салсақ, 2021 жылдың 26 ​​тамызында Жамбыл облысы Байзақ ауданындағы әскери қоймада жарылыс болды.  Салдарынан 17 адам қаза тауып, біреуі із-түзсіз жоғалған.  Бұл Базарбай ауылының тұрғыны, өрт сөндіруші Бауыржан Дәуітбаев еді.  Ол жарылыс ошағында болған.

Оның артында төрт баласы қалды, ол қайтыс болғаннан кейін бесіншісі – Аманкелді деген ұлы дүниеге келген.

Бауыржан Дәуітбаевты туыстары, Қорғаныс министрлігінің арнайы жасағы мен полицейлер іздестірді.

Амалсыз туыстары ер адамның қайтыс болғанын айтып, көріпкелдерге жүгінген.  Бірақ туыстары бұған сенгісі келмеді, өйткені мәйіті табылмаған.

- Марқұмды жерлеу рәсімі 12 желтоқсанда өрт сөндірушінің туған ауылында өтеді, - деді Әбіқай.