Бір топ жігіт 14 жастағы қызды зорлады

Жамбыл облысы, Қордай ауданында бір топ жігіт 14 жастағы қызды зорлады.

Бұл туралы Biz01.kz хабарлады.

Қыздың анасының айтуынша, оқиға 26 мамырда болған. Бірнеше жігіт оқушы қызды серуендеуге шақырыпты.

«Жігіттер «Анаң ұйықтап қалса, сыртқа шық, серуендеуге барамыз, қасымызда тағы екі қыз болады» деп алдап, қызды көшеге шығарып алады. Солай төрт жігіт  Қордайға қызымды көлікпен алып барды. Жарты сағаттан кейін дүкенге кіріп, содан кейін олар қызымы энергетикалық сусын берді. 2 стақан ішкен соң соң қызым есінен танып қалады. Жігіттер оның есінен танып жатқанын пайдаланып, зорлады», — дейді қыздың анасы.

Айыптылар осыдан кейін қызды үйіне әкеліп, аулада қалдырып кеткен. Қызды таңертең қоқыс шығаруға шыққан анасы тауып алған. Қыздың киімдері былғанып қалғанын байқаған. 

Қазір полицейлер қылмысты мойындағанымен, күдіктілерді әлі ұстаған жоқ. Полиция мен прокуратура өкілдері күдіктілер айғақтарды сараптап болғанша бостандықта болатынын хабарлады.

Қыздың анасы «күдіктілер жазадан құтылып кете ме?» деп алаңдап отыр.