Бір топ жасөспірім өздері құралыптас баланың басынан теуіп, жабылып ұрды

Ақтау қаласында бір топ жасөспірім өздері құралыптас баланың басынан теуіп, жабылып ұрды.

Бұл туралы Lada.kz хабарлады.

Ақтау қаласының 16- ықшамауданнында бір топ жасөспірім өздерімен қатар баланы соққыға жығып кетті. Әлеуметтік желіде бейнежазба таралып, қызу талқыға түсті. Бейнежазбада бірі екіншісіне жүгіріп келіп ұрғаны, артынан 3 жасөспірім келіп тепкілеп,  басына секіргенін көруге болады.

Маңғыстау полициясы жасөспірімді соққыға жығу дерегі бойынша қылмыстық іс қозғады. Полицейлер кәмелетке толмағандардың жеке басы анықталып, барлығы полиция бөліміне жеткізілгенін хабарлады.