Бір тәулікте полиция қызметкерлері әрекетіне тағы 17 арыз-шағым түсті

Соңғы тәулікте сенім телефондарына 17 адам хабарласып, полиция қызметкерлерінің заңсыз әрекетіне шағымданған.

Бұл туралы Polisia.kz хабарлады.

Тергеуді қажет ететін барлық келіп түскен өтініштер тексеріліп (ҚБЖ тіркелген – 8 өтініш және 4 қызметтік тергеу тағайындалды) және түсіндірмелер берілді.

Бұған дейін Құқық қорғау органдары қаңтар оқиғасы фактілері бойынша 546 қылмыстық істі тергеп жатқандығы туралы жазған болатынбыз.

ҚР Бас прокуратурасы қылмыстық қудалау қызметінің басшысы Серік Шалабаевтың айтуынша, бұған дейін Бас прокуратураға құқық қорғау органдары қызметкерлерінің әрекетіне қатысты 32 өтініш түскен болатын.

Осы орайда Шалабаев құқықтары бұзылды деп есептейтін барлық азаматтарды Бас прокуратураның немесе аумақтық прокуратуралардың байланыс орталығына хабарласуға шақырды.

Кеше Қазақстан Республикасы Ішкі істер министрлігі полиция қызметкерлерінің әрекетіне қатысты азаматтардың арыз-шағымдарын қабылдайтын call-орталықтардың нөмірлерін жариялады.

Еске салсақ, 15 қаңтарда Ішкі істер министрі Ерлан Тұрғымбаев азаматтардың телефондарының мазмұнын заңсыз тексеруді, сондай-ақ Ішкі істер министрлігінің Ішкі қауіпсіздік департаментіне «аумақтық полиция бөлімшелеріне жеткізілген азаматтардан полиция қызметкерлерінің әрекетіне шағым» фактілері бойынша келіп түсетін арыз-шағымдарды мұқият тексеруді тапсырған болатын.