Бір рет қолданылатын электронды темекіге елімізде тыйым салынады

Қазақстанда құрамында никотин бар өнімдердің техникалық регламентін бекіту жоспарланып жатыр. отыр.  «Ашық НҚА»  порталында жариялған бұйрық 15 қазанға дейін талқыға түседі.

— Техникалық регламент құрамында никотин бар өнімді Қазақстан аумағында қолдану, сақтау, тасымалдау, сату, таңбалау, жоюды реттейді, – делінген құжатта.

Бұйрық бойынша бұдан былай Қазақстан нарығына ашық түрдегі электронды тұтыну жүйелерін, ауыстырылатын контейнерлер мен ашық түрдегі никотинді, сондай-ақ никотинсіз сұйықтық құюға арналған ыдыстар шығарылмайды.

— Қазақстан нарығына бір рет пайдаланылатын электрондық темекі шығаруға жол берілмейді, – делінген құжатта.

Тұтынушы қаптамасынсыз электрондық тұтыну жүйелері мен сұйықтықтар айналысына да  тыйым салынады. Сондай-ақ, регламент бойынша 21 жасқа дейінгі жастарға электронды тұтыну жүйелері мен сұйықтықтар сатылмайды.

Сонымен қатар құрамында никотин бар тұтыну өнімдері (никпэк, снюс) әкелуге, өндіруге, сатуға және таратуға тыйым салу көзделуде. Электронды тұтыну жүйелері мен олардың сұйықтығы техникалық регламенті талаптарына сәйкес келген жағдайда ғана нарыққа жіберіледі.