«Бір өліп, тірілген»: Ерейментаудағы қазақ күресінде жасөспірім ауыр жарақат алды

Ерейментауда қазақ күресінен Перуаш Кәрімұлының құрметіне өткен республикалық жарыста оқыс жағдай болды, деп хабарлайды Orda.kz. 

Күрес кезінде Ақтөбеден келген 15 жастағы балуанды қарсыласы кілемге жыққанда ол мертігіп қала жаздады. Жарыста кезекшілікте жүрген аурухана дәрігері дереу көмек көрсетті. Жасөспірім боз кілемнің үстінде клиникалық өлім күйін кешті. Спортшы Ерейментау аудандық ауруханасына шұғыл түрде жатқызылды. Дәрігерлер массаж, адреналин, дефебреллация жасады. Содан кейін ғана жасөспірімнің жағдайы жақсарды. Науқас үшін арнайы өкпені жасанды желдету құрылғысы қосылды. Кейін оны елордадағы ауруханаға тасымалдау туралы шешім қабылданды.

Қазіргі уақытта сотқа дейінгі тергеу жүргізіліп жатыр.

Айта кетейік, Түркістан облысында жантүршігерлік жағдай тіркелді. Шардара ауданында туған ұлы мен келінінен зорлық-зомбылық көрген қария 4 қыркүйек күні қайтыс болғаны белгілі болды.