«Бір күнде екінші рет»: Алматы маңында тағы жер сілкінді

Бүгін, 12 мамыр күні Алматы маңында екі рет жер сілкінді, деп хабарлайды Orda.kz. 

Сейсмологтар Алматы маңында болған жер дүмпуін тіркеді. Астана уақытымен сағат 11.38-де жер сілкінді. Жер сілкінісінің ошағы Қырғызстан аумағында, Алматыдан оңтүстік-батысқа қарай 239 шақырым жерде орналасқан. Мамандар жер дүмпуінің есептік қарқындылығы балға жететіндей байқалмағанын мәлімдеді. 

Айта кетейік, бүгін сағат 6:33-те Алматыдан 234 шақырым қашықтықта жер сілкінді. Жер сілкінісінің MPV магнитудасы — 4,8. 

Еске салайық, наурыз айында Жамбыл облысында жер сілкінісі болып, бірнеше ғимарат бүлінді.