Бір күнде екі бірдей шенеунік беделді орындарынан айрылды

17 желтоқсан Серік Сүлейменов пен Әсет Ерғалиев беделді орындарынан кетті.

Серік Сүлейменов Президенттің «Байқоңыр» кешеніндегі арнайы өкілі қызметінен босатылды.

Сүлейменовті қызметінен босату туралы жарлыққа Қасым-Жомарт Тоқаев қол қойды.

«Мемлекет басшысының өкімімен Серік Жүсіпұлы Сүлейменов Қазақстан Республикасы президентінің «Байқоңыр» кешеніндегі арнаулы өкілі лауазымынан босатылды» делінген президенттің жарлығында.

Сондай-ақ, бүгін экс-экономика министрі Әсет Ерғалиев «Самұрық-Қазына» қорының директорлар кеңесінен шығарылды.

Оның орнына жаңа Экономика министрі Әлібек Қуантыров сайланды.

Әсет Ерғалиев 2021 жылдың қаңтарынан 2022 жылдың қаңтарына дейін Экономика министрі болған. 2022 жылдың 6 қаңтарынан бастап Стратегиялық жоспарлау және реформалар агенттігінің төрағасы қызметіне тағайындалған.

Қуантыров жаңа үкімет құрамына 11 қаңтарда келді. 2021 жылдың ақпан айынан бастап ведомствоның вице-министрі болған.