Бір күнде Бішкекте үш әкім өзгерді

Бірінші әкім өз қызметін тек бір күн атқарды. Әлеуметтік желілерде оны алаяқтық пен шабуыл жасады деп айыптады. Бұл туралы Sputnik-тің Қырғызстандағы бөлімі хабарлады.

Бішкек қаласы әкімінің міндетін атқарушы болып Балбак Түлөбаевтың орнына Ермек Нұрғазиевтің тағайындалуы шу тудырды. Алайда тағайындаудан кейін әлеуметтік желілер премьер-министрдің шешімін сынай бастады. Нұрғазиев алаяқтық жасаған, сонымен қатар, 2019 жылы ол әйел ұрды деп айыпталған. Нәтижесінде бір тәулік өтпей оны Бақтыбек Құдайбергеновпен ауыстырды.

Президент Садыр Жапаров өзінің әлеуметтік желідегі аккаунтында мұндай әрекеттерге барған адамды жауапты қызметке тағайындауға болмайтынын жазды. Бірақ қырғыз сарапшылары Жапаров «билікті басып алуды» қазірдің өзінде бастады деген ойда.

«Садыр Жапаровтың билігі өткен жылдың қазан айында заңсыз түрде басып алу жолымен келді. Заң бойынша әкімді премьер-министр тағайындайды. Бірақ біз президенттің бүкіл кадрлық саясатты жүргізіп жатқанын көріп отырмыз. Таңқаларлық ештеңе жоқ. Конституция болғанымен, олар оны ескермейді. Қазіргі кадр саясаты секіріске айналды, бұл білікті мамандар тобының жоқтығын көрсетеді», - дейді саясаттанушы Мүсірқұл Қабылбеков.