Бір донордың көмегімен бірнеше адам құтқарылды

Солтүстік Қазақстан облысында 40 жастағы ер адам қайтыс болғаннан кейін донор болды, деп хабарлайды Orda.kz.

Оның жақындары ағзаларын алуға келісті, дәрігерлер еліміздің әр өңіріндегі пациенттерге жүрек, бауыр және екі бүйрегін ауыстырды. Осының арқасында кішкентай бала мен бірнеше ересек адам өмір сүруге мүмкіндік алды.

Операцияны Республикалық транспланттау орталығының мамандары ҰҒМО және UMC бригадаларымен бірлесіп жүргізді. Өңірлік үйлестірушілер де жұмыс істеді, ал полиция қызметкерлері дәрігерлерді тез арада жеткізіп, ілесіп жүруді қамтамасыз етті.

Бүгінде Қазақстанда органдарды «күту парағында» 4300-ден астам адам бар, олардың ішінде 120-дан астамы бала. Олардың әрқайсысы үшін донорлық ағза - өмір сүруге деген жалғыз үміт.

Маусым айында бір донор - бес адамды құтқарып,   министрлік барлық отаның сәтті өткенін мәлімдеді. Алматыда екі зағип науқастың көру қабілеті қалпына келді. Көзге жасалған ота сирек кездесетін мультиоргандық трансплантацияның бір бөлігіне айналды. 

Ақпан айында төрт адамға донор болған 18 жастағы жігіттің құрметіне Астанада хоккей ойыны өтті. 

Сондай-ақ, қаңтарда Қызылорда облыстық перинаталдық орталығында босанғаннан кейін ауыр жағдайда түскен әйелге 12 донордан қан құйылып, бір айдан кейін одан АИТВ (ВИЧ) анықталды.