«Бір-бірін айыптаған депутаттар дауы»: Азат Перуашев кімге пара берді?

Мандатынан айырылған экс-депутат Асқар Садықов «Ақжол» партиясының жетекшісі Азат Перуашевты өз айыбын жасыру үшін жала жапты деп ақталуда, деп хабарлайды Orda.kz.

Бұл туралы экс-депутат Асқар Садықов  instagram парақшасында хабарлады.

«Мені лас ойындарыңыз бен айла-шарғыларыңызға араластырмаңыздар» деген экс-депутат Асқар Садықов жұмыс орнында қысым көрсетті деген айыпты жоққа шығарды.

Парламенттің экс-депутаты «Ақжол» партиясының жетекшісі Азат Перуашевты астарлы сөздер мен өтірік айтты деп айыптады.

«Мүмкін Перуашев өзінің орынбасарына Ұлттық ұлан генералына пара бергені туралы ақпараттан бас тартқысы келген шығар», — деді Садықов.

Асқар Садықовтың айтуынша партия жетекшісі ақпарт ағымын, жұрттың назарын басқа жаққа бұру мақсатында осылай жала жауып отыр.