Бірқатар шетелдік БАҚ материалдарын тегін қолжетімді етті

Шетелдік ақпарат агенттіктері, газеттер мен журналдар Ресей мен Украинадағы оқырмандар үшін өз материалдарына ақылы қолжетімділікті алып тастады.

Материалдарына ақылы қолжетімділікті алып тастаған шетелдік БАҚ тізімдеріне The Washington Post, Financial Times, Dow Jones, The Economist кіреді. Олардың материалдары қазір Ресей мен Украинаның оқырмандарына қолжетімді, бірақ тек қана елдер арасындағы қарулы қақтығыс туралы әңгімелейтін материалдар ғана.

 «Біздің миссиямыз бен мақсатымыздың бір бөлігі – адамдардың қиын-қыстау  уақытта көрнекті журналистикаға қол жеткізуін қамтамасыз ету, сондықтан оны тегін ету оңай шешім. Бізге жалақы төленбесе де, бұл біздің шығармашылығымыз  үшін жақсы деп ойлаймыз» деп келтіреді Financial Times коммерциялық директоры Джон Слейдтің сөзін Digiday.

Сондай-а,қ Washington Post басылымының тек халықаралық жазылушыларына тегін кіруге болатынын түсіндірді, бірақ  олардың нақты санын атамады. Украин босқындары ағылып жатқан көрші елдерге де ақылы кіру тоқтатылды.