Бір аптада еліміздегі азық-түлік бағасы аспандап кетті

12-19 қараша аралығында азық-түлік өнімдері еліміз бойынша орта есеппен 0,4%-ға қымбаттады, деп Orda.kz.

Ұлттық статистика бюросының мәліметіне қарасқа, мұндай қарқынды өсім соңғы 92 аптада (өткен жылдың ақпан айының басынан бері) болмаған. Әсіресе, бұл жолы басты назарға пияз ілікті — 12 қарашадан бері оның бағасы бірден 4,8%-ға көтерілген.

«Бұл маусымдық өзгеріске ұқсамайды — алдыңғы үш жылда қараша айында мұндай жағдай болған жоқ, қазан мен желтоқсан айларында да байқалмаған», — дейді сарапшылар. 

Пияз бағасы ең көп көтерілген қалалар: Павлодарда (+16,4%), Ақтөбеде (+14,8%), Петропавлда (+12,6%) және Алматыда (+12,5%).

Дегенмен, сарапшылар жалпы ел бойынша пияз бағасының төрт апта қатарынан айтарлықтай қымбаттап жатқанын атап өтті. Ай басынан бері баға 12,4%-ға өскен.