Бір аптада доллар 6 теңгеге жуық қымбаттады

KASE-де америкалық валютаның орташа сараланған бағамы 475,25 теңгеге жетті.

Қазақстан қор биржасында (KASE) 2023 жылғы 22 қыркүйекте сағат 17:00-де доллардың орташа сараланған бағамы 475,14 теңге болды. 21 қыркүйектегі сағат 17:00-дегі мәліметтермен салыстырғанда (1 доллар үшін 476,09 теңге) ұлттық валюта долларға қатысты 0,95 теңгеге нығайды.

Сауда аптасында ұлттық валюта 5,94 теңгеге әлсіреді. Дүйсенбі, 18 қыркүйекте орташа сараланған бағам 15:30-да бір долларға 469,31 теңге деңгейінде болды. Жұма, 22 қыркүйек – бір доллар үшін 475,25 теңге.

KASE ақпаратына сәйкес, аукционда доллардың ең төменгі курсы – 473,65 теңге, шекті баға – 476,70 теңге, жабылу курсы – 474,21 теңге болды. Америкалық валютадағы сауда көлемі 156 миллион 592 мың доллар болды. Валюталық операциялар бойынша транзакциялар саны – 568. Kurs.kz сайтының мәліметі бойынша, елорданың айырбастау пункттерінде америкалық валютаны сатудың шекті бағамы 17:10-да 478,5 теңге, Алматыда – 477,5 теңге болды.

Ұлттық банктің 22 қыркүйектегі ресми бағамы 1 доллар үшін 475,96 теңге. 23-25 ​​қыркүйекте ресми бағамды анықтаудың қолданыстағы тәртібіне сүйене отырып бағамдасақ, 1 доллар үшін 475,25 теңге болады.