Бір айда 1200-ден астам есірткі ошағы жабылды

Қазақстан Республикасы Ішкі істер министрлігінің баспасөз қызметі қаңтарда Қазақстанда 1 257 есірткі сайтына тосқауыл қойылғанын мәлімдеді, деп хабарлайды Orda.kz.       

Сонымен қатар, осы кезеңде 700-ден астам есірткі қылмысы анықталды

«1257 есірткі сайты бұғатталды, оның ішінде есірткі туралы ақпарат тарататын 76 арна мен боттар жойылды. Есірткіге қатысты 274 қылмыс тіркелді, оның ішінде 180-і сату, 64-і есірткіні интернет арқылы жарнамалау, үшеуі контрабанда, 16-сы есірткі өсімдіктерін өсіру», – деді ІІМ Есірткі қылмысына қарсы күрес комитеті төрағасының орынбасары Данияр Мейірхан. 

Полицейлердің тоғыз ұйымдасқан қылмыстық топ пен үш есірткі ошағын жоюға қол жеткізгені атап өтілді. Сондай-ақ олар 17 есірткі зертханасының қызметін тоқтатты.

«Жыл басынан бері 800 келіден астам есірткі заттары тәркіленді, оның 29 келісі синтетикалық, 5 тонна прекурсорлар бар, осы бағыттағы жұмыстар жалғасуда», - деп түйіндеді Данияр Мейірхан.