Бір ай бұрын Чехияда жоғалған жігіттің әкесі мәлімдеме жасады

Осыдан бір ай бұрын Чехияда жоғалып кеткен 20 жастағы жігіттің әкесі ұлын әлі іздестіріп жатыр.

Қазақстандық Олег Кузьмин Чехияға оқуға түскен. Ол ақпан айының соңында Прагада жоғалып кеткен. Жас жігітті әлі іздестіріп жатыр. Әзірге еш нәтиже жоқ.

Олегтің әкесі Сергей Кузьмин 12 наурыз күні Прагаға ұлын іздестіріп барды. Әкесі екі апта бойы іздеу жұмыстарына өзі шығып жүр.

Жас жігіттің жоғалғанына бір айдай болып қалған. Алайда әлі хабар жоқ. Жергілікті құқық қорғау органдары баланың әкесінің өтініші бойынша екі мың камераның жазбаларын көрсеткен.

«Уәде етілген ынтымақтастық қайда? Қауіпсіздік қайда? Неге біз балаларымызды қауіпсіз елге жіберіп алып, оның қайғысын көруіміз керек?! Прага полициясы неге көмектескісі келмейді? Олардың ештеңе таппадық, ертең келіңіздер деген сөздерін тыңдаудан шаршадық» деп жазылған жазбада.

Қазіргі таңда жоғалған Олег Кузьминді жақындарынан басқа еріктілер де іздестіріп жатыр. Олар баланың Google-аккаунт арқылы оның қозғалысын анықтаған.

Сергей Кузьминнің айтуынша, полиция кез келген айғақты құқық қорғау органдарына жіберуді сұрады.

Ол адамдардан көмек сұрап, ұлы ұрлануы мүмкін деген болжамымен бөлісті.

Қазақстандық студент Олег Кузьмин 2019 жылы Ambis университетіне оқуға түскен. Прагадағы Blanice жатақханасында тұрған.

Еске салсақ, 26 ақпан күні 20 жастағы Олег Прагадағы түнгі клубтардың бірінде жоғалып кеткен. ҚР Сыртқы істер министрлігі Чех полициясының жас жігітті іздестіруді жалғастырып жатқанын хабарлады. Консул жағдайды жеке бақылауында ұстайды деп сендірді.