«Бипэк Авто» бұрынғы басшыларына қатысты сот басталды

Өскеменде «Бипэк Авто – Азия Авто» серіктестігінің бұрынғы басшылары Анатолий Балушкин мен Ерік Сағымбаевқа қатысты сырттай сот процесі басталды.

Оларға қаржылық қылмыс жасады деген айып тағылды.

Балушкин алаяқтық жасады және Lada Vesta көліктерін құрастыратын зауыт құрылысына бөлінген 230 миллиард теңгені алаяқтықпен жымқырды деп айыпталып отыр. Сағымбаев алаяқтық жасады және салық төлеуден жалтарды деген күдікке ілінді. Екі айыпталушы да Ресейге қашып, сол жерден азаматтық алғаны хабарланды.

Балушкин бұған дейін «Бипэк Авто – Азия Авто» компаниясына қатысты істі рейдерлік жолмен басып алу екенін айтып, Қазақстан президентіне бұрынғы жоғары лауазымды шенеуніктерді, соның ішінде Кәрім Мәсімов пен Асқар Мәминді жауапкершілікке тартуды сұраған.