«Білім саласындағы жемқорлық»: Ақтөбеде мектебінде ай сайын 5 млн теңге алған қызметкер анықталды

Жазғы аудит барысында Қазақстан Республикасы Қаржы министрлігі мектептер мен балабақшаларда 1 млрд теңгеден асқан ұрлықты анықтады.

Бұл туралы қаржы министрлігінің баспасөз қызметі хабарлады.

Негізгі назар 36 ұйымға, соның ішінде жылдық жалақысы 58 мың теңге болатын Ақтөбе қаласындағы мектептің есепшісіне түсті. Алайда ол ай сайын 5 млн теңгеге дейін алып отырған.

Жазғы тексеру барысында білім беру мекемелерінде бірқатар қаржылық заң бұзушылықтар анықталды. Ең шулы оқиғалардың бірі Ақтөбе қаласындағы №48 орта мектебінде тіркелді. Бұл жерде ресми жылдық жалақысы 700 мың теңге болған есепші ай сайын картасына 3-5 млн теңге аралығында ақша аударып отырған. Қаржы министрлігінің мәліметінше, қосарланған есепке алу және жалақыны көтеріп көрсету – арам пиғылды қызметкерлер арасында ең кең таралған әдістердің бірі.

Сонымен қатар, Қарағанды қаласындағы №33 балабақша-мектеп кешенінде жалған қызметкерлердің атына аударылған жалақыны екі есепші иемденіп отырғаны анықталды. Шығын көлемі 207,4 млн теңгені құрады. Ал Петропавл қаласындағы №42 орта мектебінде бас есепші мен информатика пәнінің мұғалімі 2023 жылы үш еселенген жалақы алып, 69 млн теңге көлемінде зиян келтірген.