Білім бөлімінің бухгалтерлері жарты миллиард теңгені ұрлаған

Түркістан облысында Жетісай аудандық білім бөлімінің бухгалтерлеріне қатысты тергеу басталды.

Прокуратураның мәліметінше, олар 530 миллион теңгені жымқыруы мүмкін еді.

«Тергеу барысында олардың 2021-2023 жылдар аралығында алдын ала сөз байласу арқылы мектеп қызметкерлерінің жеке деректерін өзгертіп, жалақыға бөлінген аса ірі көлемде мемлекет ақшасын ұрлаумен айналысқаны анықталды. Келтірілген шығын көлемі 530 миллион теңгені құрады».

Үш күдікті қамауға алынды. Қазір олар уақытша ұстау изоляторында. Ал, прокурорлар ақша ұрлығына қатысы болуы мүмкін басқа да тұлғаларды анықтауда.