Білім беру ұйымдарында 500 млн теңгенің заң бұзушылығы анықталды

Жетісу облысындағы білім беру ұйымдарында 500 миллион теңгеге жуық заң бұзушылық анықталды, деп хабарлайды Orda.kz.

Қаржы министрлігінің баспасөз қызметінің мәліметінше жүргізілген тексерулер нәтижесінде 8,7 млн ​​теңгеге жуық қаржы мен  тағы 19 млн теңге бюджетке қайтарылды.

«Жетісу облысында ішкі мемлекеттік аудит департаментінің қызметкерлері облыстың білім беру ұйымдарында 78,5 миллион теңгеге қаржылық бұзушылықтарды және 416,8 миллион теңгеге процедуралық бұзушылықтарды анықтады» делінген хабарламада.

Анықталған заң бұзушылықтар нәтижесінде 20 лауазымды тұлға тәртіптік жауапкершілікке, алты адам әкімшілік жауапкершілікке тартылды.