Білім беру сайтындағы жарнама ата-аналардың наразылығын тудырды

Kundelik.kz мектеп оқушыларының электронды күнделігі сайтында жартылай жалаңаш әйелдермен бірге жарнама ата-аналардың ашуын тудырды. Олар балаларға жарнамалық парақ не үшін керек екенін түсінбейді.

Жағдайға ҚР Білім және ғылым министрлігі түсініктеме берді, деп хабарлады Orda.kz.

PR-маман және көп балалы әке Нұркен Халықберген өзінің Facebook парақшасында осыған байланысты сұрақ көтерді.

– Мұндай жарнаманы республикалық «Күнделік» сайтындағы көрсетілімге қалай қоюға болады? Онда ата-аналардан басқа, мектеп оқушылары да кіреді, оның ішінде бастауыш сынып оқушылары да бар. ҚР Білім және ғылым министрлігі түсініктеме беруіңізді сұраймыз, - деді ол.

Посттың астындағы кейбір жазбаларда мұны оқушылардың әкелерін қызықтыру үшін жасайды, ал басқалары контекстік жарнама пайдаланушының қалауына, алдыңғы іздеу сұраныстарына байланысты көрсетіледі деп болжам жасады. Басқаша айтқанда, ата-аналар өздері іздеген нәрсені интернеттен қадағалап отыруы керек.

Білім және ғылым министрлігі ата-аналар электронды күнделіктерді тексеретін құрылғыларда вирус болуы мүмкін екенін айтты.

– Kundelik веб-сайтын жасаушылардың пікірінше, спамның бұл түрі сайт жұмысындағы қателік емес. Ол компьютердегі вируске байланысты болуы мүмкін. Қай сайтқа кірсеңіз де, әртүрлі жарнамаларды көресіз. Сондықтан мазмұнның бұл түрі Kundelik веб-сайтына жатпайды, тек шолушыдан бір қолданушыға көрінеді, - делінген ҚР Білім және ғылым министрлігі Балалардың құқықтарын қорғау комитетінің түсініктемелерінде.