Билікті күшпен басып алуға шақырған қырғызстандық ақын бас бостандығынан айырылды

Бішкектің Свердлов аудандық сотының судьясы Жолдошбек Сулайманов ақын Асқат Жетігенді үш жылға бас бостандығынан айырды.

Бұл туралы құқық қорғаушы Гүлшайыр Әбдірасулова хабарлады.

Оның айтуынша, ақын билікті күшпен басып алуға жария түрде шақырғаны үшін кінәлі деп танылды. Ол жазасын жалпы режимдегі колонияда өтейтін болады.

Асқат Жетіген 278-бап «Жаппай тәртіпсіздіктер» бойынша ақталды. Асхат Жетіген кінәсіз екенін және сараптама оның мәлімдемелерінен заңсыз ештеңе таппағанын айтты. Мемлекеттік айыптау Асқат Жетігенді сегіз жылға бас бостандығынан айыруды сұрады.

Ұлттық қауіпсіздік комитетінің қызметкерлері 17 наурызда ақын Асқат Жетігенді билікті сынағаны үшін ұстап, «Билікті күшпен басып алуға шақыру» бабы бойынша қылмыстық іс қозғады. Ол Нарыннан Бішкекке жеткізіліп, 48 сағатқа уақытша ұстау изоляторына қамалды. 

Сәуірдің 9-ы күні Асқат Жетіген Уәкіл мен Азаптаулардың алдын алу ұлттық орталығына жүгініп, 20 наурызда қайта ұсталған күні азаптауға ұшырағанын мәлімдеген. Ол бір сағатқа жуық электр тоғымен азаптағанын хабарлады.

Түсіндірме жазбасында ақын азапталмағанын, қазір оның денсаулығы мен қауіпсіздігіне ешнәрсе қауіп төндірмейтінін жазған. 

«Менің абақтыдағылар мен мекеме қызметкерлеріне ешқандай шағымым жоқ. Түсіндірме хатты өз қолыммен және дұрыс жаздым» делінген хатта.