«Билікті басып алуға тырысқан» кәсіпкер сотта мойнын тіліп жіберді

Бішкекте «билікті басып алуға жария түрде үндеді» деп айыпталған күдікті сот залында өзін жаралады, деп хабарлайды Orda.kz Азаттықтың Қырғыз қызметіне сілтеме жасап. 

KG Group құрылыс компаниясының негізін қалаушы Имамидин Ташовты қарауылдар тоқтатқан. Оқиға орнына жедел жәрдем көлігі шақырылып, Ташов ауруханаға жеткізілді. Дәрігерлер айыпталушының жағдайының жақсы екенін айтып, ол қайта тергеу изоляторына жіберілді. 

6 желтоқсан күнгі сот отырысында судья айыпталушы Имамидин Ташовтың қамау мерзімін 2025 жылдың 8 ақпанына дейін ұзартқан.

Ташовтың адвокаты, қазір өзі де қамауда отырған Самат Матцаков судьяға өзін сот процесіне қатыстыру туралы өтініш жазған. Прокурор өтінішке қарсы шықты.

Имамидин Ташов 2024 жылдың сәуір айында ұсталған. Содан бері ол тергеу изоляторында отыр. Қырғызстанның ұлттық қауіпсіздік жөніндегі мемлекеттік комитетінің ресми мәліметі бойынша, кәсіпкер «билікті күштеп басып алуға оқталғаны үшін» іздеуге ілініп, Шу облысында ұсталған.