Билікті басып алмақ болған кәсіпкер қазақ-қырғыз шекарасында ұсталды

Қырғызстандық кәсіпкер Имамидин Ташов шекараны заңсыз кесіп өтті. Ол Алматыдан Қара-Балтаға келе жатқан жерінде ұсталды.

Қырғызстанның арнайы қызметтерінің мәліметінше, кәсіпкер халықаралық іздеуде болған. Ол Қырғыз Республикасында билікті күшпен басып алуға әрекеттенді деген күдікке ілінді.

«Ол Алматыдан Қара-Балта қаласына келе жатқан жолда Қырғыз Республикасы мен Қазақстан Республикасының мемлекеттік шекарасын заңсыз кесіп өтіп, кейіннен билікті басып алу наразылық акциясын өткізу үшін күштерді біріктіру мақсатында уақытша штаб ұйымдастыруды жоспарлаған кезде ұсталды. Бұған дейін Ұлттық қауіпсіздік мемлекеттік комитеті Ташов Имамидин Асамидинұлын коммерциялық немесе басқа ұйымдардың  өкілеттігін асыра пайдаланғаны үшін мемлекетаралық іздеуге жариялаған болатын» деп егжей-тегжейлі мәлімет берді көрші республиканың Ұлттық қауіпсіздік комитеті.

Ведомстводағылар кәсіпкердің әлеуметтік желілер арқылы адамдарды белсенді түрде жұмысқа қабылдағанын қосты.

24.kg жазғандай, Ташов KG Group құрылыс компаниясына иелік етеді. Бішкекте ұйым алты көппәтерлі тұрғын үй салды, бірақ бірде-бір ғимарат пайдалануға берілмеді. Ташовтың ұйымы рұқсатсыз, құжатсыз ғимараттар салған.