Билік El tiregi партиясын тіркеуге құлықсыз – Нұржан Әлтаев

Экс-депутат, El tiregi партиясының жетекшісі Нұржан Әлтаев Тоқаев режимі Назарбаев режимінен де қиын болуы мүмкін екенін, өзі жетекшілік ететін оппозициялық партияны тіркеуден биліктің он тоғызыншы рет бас тартқанын айтты. Ол осы және басқа да мәселелер туралы пікірін Elmedia интернет-басылымына берген сұхбатында мәлімдеді.

«Олар тек El tiregi партиясының тіркелгенін емес, халық басшылық ететін, халықтық партияларды тіркегісі келмейді. Билік өздері құрған, өздері бастамашы болған Мұхтар Тайжанның, Болат Әбілевтің және басқалардың партияларын ғана тіркейді. Бұл – биліктің қазіргі әрекетінің көрінісі», - деді ол.

Әлтаев бүгінгі биліктің оппозициялық иллюзия қалыптастырып, бұрынғы режим жолымен жүретініне сенімді екенін айтты. Тіпті, оның айтуынша, мұндай әрекеттер Назарбаев режиміндегі жағдайдан да асып түсуі мүмкін.