Қарағандыда биіктен экстремалды арқанмен секіріп, абайсызда қаза тапқан әйел туралы қосымша ақпараттар тарай бастады. Ол осыған дейін де биік ғимараттардың төбесінен бірнеше мәрте секірген көрінеді.

Бұл туралы Orda.kz хабарлайды.

Telegram арнада жарияланған ақпаратқа сәйкес, қайтыс болған әйелдің есімі Евгения. Шахтинск қаласының 33 жастағы тұрғыны. Ол секіріп, қайтыс болған «Созвездие» қонақ үйінің биіктігі 30 метр. «Роупджампинг» деп аталатын бұл секірудің түрі Евгенияның қызығушылықтарының бірі болған.

Марқұм бос қалған көпқабатты үйлерге арнайы барып, биіктен секіруге дағдыланған. Оның екі баласы анасыз, күйеуі жарсыз қалды. Сонымен қатар, бұл отбасы анасы қайтыс болған туысқан балаларын асырап алған. Евгения, баланың анасы қайтыс болған соң еш ойланбастан бауырына басқан .

Қазіргі таңда Қылмыстық кодекстің 306 бабы 1 тармағы(талап сай келмейтін қызмет көрсету) бойынша тергеу жұмыстары жүріп жатыр.

Бөлісіңіз: