Биік өкше киіп билеген павлодарлық хореограф полицияға шақырылды

Павлодарда «May Dance» би студиясының хореографы үстіне жабыстыра киім киіп, биік өкшелі аяқ киіммен билеген видеосына қатысты полицияға шақырылды, деп хабарлайды Orda.kz.

9 тамызда полиция студияға сабақ кезінде келіп, хореографтан түсіндірме хат алып, оны полиция бөліміне әңгімеге шақырды. Бидің видеосы қаланың қоғамдық парақшаларының бірінде қатты реакция тудырып, полицияның араласуына себеп болды.

Аман видеоның жарнамалық сипаты бар екенін айтып, ЛГБТ насихатына еш қатысы жоқ деп түсіндірді. Оған жыныстық көзқарасына қатысты бірнеше сұрақ қойылып, тәртіп бұзғаны үшін айыппұл салынуы мүмкін екендігі туралы айтылды.

Хореограф 12 тамызда полиция бөлімшесіне қосымша әңгімелесу үшін баруы тиіс.