Бибісара Асаубаева әлем чемпионын жеңді

Қазақстандық шахматшы Бибісара Асаубаева Grand Swiss 2023 турнирінде қытайлық Тан Чжунгиді жеңді.

Осы жеңісінің арқасында Асаубаева 4,5/5 ұпай жинап, жарыста көш бастады. Айта кетейік, Чжунги әйелдер арасындағы 16-шы әлем чемпионы.

«Мен турнир кестесіне назар аудармай, өз ойынымды ойнаймын, қалай ойнайтынымды білемін. Бірақ бүгінгі ойын қызық болды. Оның бірнеше қимылынан кейін мен жағдайым нашар деп ойладым, бірақ қалай екенін түсінбедім. Сондықтан мен жай ғана ойнай бердім. Содан кейін мен қалыпты күйде болдым - ешбір жоспарсыз, бірақ қалыпты. Содан кейін аз уақыт қалғанда  ең жақсы қимылдарды іздеуге тырыстым»,- деді Асаубаева ойыннан кейін.