BI Group су тасқыны салдарын жоюға бес миллиард теңге бөледі

BI Group компаниясы зардап шеккен аймақтардағы тұрғын үйді қалпына келтіруге бес миллиард теңге көлемінде көмек бөледі.

«Зардап шеккен отандастарымыздың жағдайы бізді бейжай қалдыра алмайды. BI Group су тасқынының алғашқы күндерінен-ақ апатқа ден қойып, өңірлердің шұғыл қажеттіліктеріне 500 миллион теңге аударып қана қоймай, жергілікті атқарушы органдарды құрылыс және арнайы техникамен, адам ресурстарымен қамтамасыз етті. Апаттың өсіп келе жатқан ауқымын, соның ішінде жаңа қалалардың су басуын және су тасқыны салдарын ескере отырып, біз оны 5 миллиард теңгеге дейін ұлғайтып, қомақты қаржылай көмек бөлуді ұйғардық»,- деді Айдын Рахымбаев.

Су тасқыны жағдайы мемлекет басшысы Қасым-Жомарт Тоқаевтың ерекше бақылауында. Ол бизнесті «осы маңызды сәтте шетте қалмауға және адамдарға көмек қолын созуға» шақырды.