BI-Group салған үйдің қаптамасы құлап түсті

Нұр-Сұлтандағы «Номад» тұрғын үй кешенінің сыртқы қаптамасы құлап, үйдің жанында тұрған көлікті зақымдады. Бұл туралы фейсбуктың «Не? Қайда? Қашан?» тобында айтылды.

BI-Group компаниясының өкілі Жанар Құлжанова болған оқиға үшін кешірім сұрап, тексерістен кейін мамандар бұған жол бермеу үшін шаралар қабылданатындығын айтты.

«18 ақпан күні кешке Nomad тұрғын үй кешенінің қаптамасы бірінші кіреберіс жағынан құлап түсті. Біздің мамандар оқиға орнына дереу аттанды. Зардап шеккендер болған жоқ. Бүгін мамандар сарапшылардың техникалық жағдайына аудит жүргізеді. Бұдан былай болашақта мұндай жағдайлардың алдын алу шаралары қабылданады. Біз қазіргі жағдай үшін кешірім сұраймыз», - деді BI-Group өкілі.