Бетпердені қашан шешуге болады? – Денсаулық сақтау министрлігі

Маска режимін тоқтату үшін вакциналанған адамдардың саны 60 пайыздан асуы керек.

Бұл туралы Orda.kz хабарлады.

Денсаулық сақтау министрлігінің басшысы тұрғындар алдындағы есеп беру кездесуінде вакциналау адамдардың әлеуметтік оқшаулану режимінен шығуына мүмкіндік беретін жалғыз шара екенін атап өтті.

– Әрбір азамат өзін қауіпсіз, кепілдендірілген сезінуі үшін, иммунитетті қалыптастыру үшін вакциналанған азаматтардың кем дегенде 60 пайыздық шегіне жетуіміз керек. Осыдан кейін, әрине, маска режимінен шығу мүмкіндігі қарастырылады, - деді Цой.

Министр қазақстандықтар вакциналауға белсенді қатысады және қоғамдық иммунитет құруға үлес қосады деп үміттенеді.