Бетімен жер сүзді: Жамбылда бала әткеншектен құлап кетті

Жамбыл облысында аттракциондардағы апат салдарынан бір бала жарақат алды. Әлеуметтік желілерде қорқынышты видео пайда болды. Кадрлардан балалардың қауіпсіздік белмеуімен дұрыс бекітілмегенін көруге болады.

Бұл туралы Orda.kz КТК телеарнасына сілтеме жасап хабарлады.

Қордай өңіріндегі Free Fall аттракционын үш жасөспірім мінген. Әткеншек жіберілгенде, олардың біреуі жерге бетпен құлаған.

Жергілікті биліктің мәліметінше, бала да, ата-аналары да аурухана мен полицияға бармаған. Оқиғадан кейін саябақ басшылығы аттракционды бөлшектеуге шешім қабылдады.

Бұл факт бойынша тексеру жоспарланған. Қордай облысы ішкі саясат басқармасының бастығы Нұрболат Сатымқұл құлаған бала қауіпсіздік белбеуін шешкен дейді. Әткеншек қазір жұмыс істемейді.

– Қазіргі уақытта оқиғаға қатысушылардың барлығы анықталды. Бұл факт процессуалдық шешім қабылдау үшін Қордай ауданының полиция бөлімінде тіркелді, - дейді жергілікті полиция.

Полиция бұл оқиға 9 тамызда болғанын айтты.

Еске салсақ, 2021 жылдың маусымында Қазақстанның сауда және интеграция министрі Бақыт Сұлтанов аттракциондардағы қауіпсіздік шаралары туралы айтқан. Ол мұндай нысандардың иелерін арнайы комиссия тексеруі тиіс екенін атап өтті. Есепке алынбаған аттракциондардың иесі, егер олар биліктің нұсқауларын орындамаса, айыппұл төлейді.